Hummarin vit fiska í Føroyum eitur Nephrops norvegicus á latíni. Hummari trívast best í og á mórubotni. Her gera teir langar holur, sum kunnu strekkja langt inn í mórudýpið. Í hesum holum livir hummarin. Teir góðtaka at upp til 15 aðrir hummarir liva tætt uppá hvønn annan í síðuholunum, so hummarin livur í smáum familjubólkum uppá uml. 15 hummarir. Ein serstakt við at fiska hummara við rúsum er at livikorini blíva sera góð hjá hummara at trívast, tá rúsurnar hava ásettu meskavídd. Stórt sæð allur hummari undur 15 cm blívur sílaður útaftur ígjøgnum rúsurnar og teir stóru(15cm+) blíva sitandi eftir. Hvørja ferð vit fiska ein stóran hummara blívur ein hola tóm á botni. Nú kann ein nýggjur yngri hummari flyta inn, og soleiðis kunnu vit halda ein størri hummarastovn í gongd við at fiska javnt av hesum stovni.